საბაჟო დეკლარაცია – შევსება, ASYCUDA, HS კოდები, გადასახადები, დოკუმენტები – ყველა კითხვა, რომელსაც იმპორტიორები და ექსპორტიორები სვამენ, ერთ გვერდზე.
📞 +995 598 154833 | 💬 WhatsApp |✈️ Telegram
საბაჟო დეკლარაცია – ძირითადი კითხვები
რა არის საბაჟო დეკლარაცია?
საბაჟო დეკლარაცია არის ოფიციალური დოკუმენტი, რომლითაც იმპორტიორი ან ექსპორტიორი საბაჟო ორგანოს ატყობინებს ტვირთის შემადგენლობას, ღირებულებასა და წარმოშობას. საქართველოში დეკლარაცია შეიტანება ელექტრონულად ASYCUDA World სისტემის მეშვეობით.
რამდენია საბაჟო დეკლარაციის სახელმწიფო მოსაკრებელი?
| სიტუაცია | ფასი |
|---|---|
| ASYCUDA-ით, წინასწარ (3 000 ₾-მდე ტვირთი) | 50 ₾ |
| ASYCUDA-ით, წინასწარ (3 000–15 000 ₾) | 150 ₾ |
| ASYCUDA-ით, წინასწარ (15 000 ₾+) | 200 ₾ |
| ASYCUDA-ის გარეშე (3 000 ₾-მდე) | 100 ₾ |
| ASYCUDA-ის გარეშე (3 000–15 000 ₾) | 400 ₾ |
| ASYCUDA-ის გარეშე (15 000 ₾+) | 500 ₾ |
ASYCUDA ლიცენზიით 50–300 ₾-ით ნაკლები ყოველ ტვირთზე. გაიგე მეტი →
რა დოკუმენტებია საჭირო საბაჟო დეკლარაციისთვის?
- შესყიდვის ინვოისი – ღირებულება, რაოდენობა, მხარეები
- შეფუთვის სია (Packing List) – წონა, მოცულობა, ადგილების რაოდენობა
- სატრანსპორტო ზედნადები – CMR (სახმელეთო), AWB (საჰაერო), B/L (საზღვაო)
- წარმოშობის სერტიფიკატი – EUR.1 ან CT-1 (შეღავათიანი ტარიფისთვის)
- სატრანსპორტო ინვოისი – თუ ტვირთის ფასში ტრანსპორტი ცალკეა
- ექსპორტის დეკლარაცია (EX1) – გამომგზავნი ქვეყნიდან (საჭიროებისამებრ)
რა არის წინასწარი დეკლარაცია და რატომ ჯობია?
წინასწარი დეკლარაცია იგზავნება ASYCUDA-ში ტვირთის ჩამოსვლამდე. ეს:
- 50–300 ₾-ით ამცირებს საბაჟო მომსახურების ტარიფს
- აჩქარებს გაფორმებას – ტვირთი ჩამოდის, სისტემა უკვე მზადაა
- ამცირებს “წითელ დერეფანში” მოხვედრის რისკს
თუ ტვირთი უკვე საზღვარზეა, წინასწარი ტარიფი აღარ გამოიყენება.
HS კოდები და კლასიფიკაცია
რა არის HS კოდი (სეს ესნ) და რატომ არის მნიშვნელოვანი?
HS Code (Harmonized System Code) – საერთაშორისო ციფრული კოდი საქონლის კლასიფიკაციისთვის. კოდი განსაზღვრავს:
- საბაჟო გადასახადის განაკვეთს (0%, 5% ან 12%)
- დღგ-ს და აქციზის ვალდებულებას
- სერტიფიკაციის მოთხოვნებს
- შეღავათიანი ტარიფის უფლებას
არასწორი HS კოდი → ჯარიმა, ტვირთის გაჩერება, ზედმეტი გადასახადი. ganbajeba.ge-ს HS კოდის კონსულტაცია უფასოა.
საქართველოში რა საბაჟო განაკვეთები მოქმედებს?
საქართველოში 3 ძირითადი განაკვეთი:
| განაკვეთი | მაგალითი |
|---|---|
| 0% | ელექტრონიკა, მანქანები, ნედლეული…. |
| 5% | ზოგი სასურსათო პროდუქტი…. |
| 12% | სასოფლო-სამეურნეო პროდუქცია, პლასტმასი, სურსათი…. |
ბევრი საქონელი გათავისუფლებულია გადასახადისგან, თუ მოქმედებს თავისუფალი ვაჭრობის შეთანხმება – EU, ჩინეთი, თურქეთი, დსთ.
საბაჟო დეკლარაცია – პროცესი და სტატუსები
როგორ ხდება განბაჟება საქართველოში – ეტაპები
- დოკუმენტების შეგროვება – ინვოისი, ზედნადები, შეფუთვის სია
- HS კოდის განსაზღვრა – სწორი კლასიფიკაცია, ჯარიმის გარეშე
- ASYCUDA-ში დეკლარაცია – ელექტრონულად, ლიცენზიით
- სტატუსის მინიჭება – 🟢 მწვანე / 🟡 ყვითელი / 🔴 წითელი
- გადასახადების გადახდა – ASYCUDA ავტომატურად ითვლის
- ტვირთის გატანა – პირდაპირ საწყობამდე
რას ნიშნავს მწვანე, ყვითელი და წითელი დერეფანი?
- 🟢 მწვანე – ტვირთი დაუყოვნებლივ გაიფორმება, შემოწმება არ არის
- 🟡 ყვითელი – დოკუმენტური შემოწმება, გადახდების ასახვა
- 🔴 წითელი – ფიზიკური შემოწმება საბაჟო ოფიცრის მიერ
ganbajeba.ge ყველა სტატუსს მართავს – კლიენტი ოფისიდან არ ადის.
შეიძლება განბაჟება დისტანციურად?
დიახ, 100%. გვიგზავნი დოკუმენტებს WhatsApp-ით ან Telegram-ით, ჩვენ ვამზადებთ და ვგზავნით დეკლარაციას. ტვირთი პირდაპირ შენს საწყობამდე მიდის – საბაჟოზე მისვლა საჭირო არ არის.
საბაჟო დეკლარაცია – გადასახადები და ღირებულება
როგორ გამოითვლება საბაჟო ღირებულება?
საბაჟო ღირებულება = საქონლის ფასი + ტრანსპორტი + დაზღვევა საქართველოს საზღვრამდე (CIF).
ASYCUDA ავტომატურად ითვლის: საბაჟო გადასახადი + დღგ (18%) + აქციზი (თუ გამოიყენება). ზუსტი კალკულატორი: rs.ge/EservicesTaxCalculator
რას ნიშნავს ინკოტერმსი და როგორ მოქმედებს საბაჟო ღირებულებაზე?
Incoterms – მიწოდების პირობა, რომელიც განსაზღვრავს, ვინ იხდის ტრანსპორტსა და დაზღვევას. მაგალითად:
| პირობა | საბაჟო ღირებულებაში ტრანსპორტი |
|---|---|
| EXW | ემატება სრული ტრანსპორტი |
| FOB | ემატება ნაწილი ტრანსპორტი |
| CIF | ყველაფერი უკვე შედის |
კონსულტაცია ინკოტერმსის სწორად შერჩევაზე – ganbajeba.ge-სთვის უფასოა.
საბაჟო დეკლარაცია – სპეციალური სიტუაციები
განსხვავება იმპორტსა და რეექსპორტს შორის
- იმპორტი – საქონელი რჩება საქართველოში, იხდი ყველა გადასახადს
- რეექსპორტი – საქართველო სატრანზიტო ჰაბია, გადასახადი არ ვრცელდება
- დროებითი შემოტანა – განსაზღვრული ვადით, გამოფენები, პროექტები
რა არის “ორმაგი დანიშნულების” საქონელი?
ზოგიერთი პროდუქტი (ელექტრონიკა, ქიმიკატები, დრონები) შეიძლება სამხედრო მიზნებითაც გამოიყენებოდეს. ასეთ ტვირთზე სპეციალური ნებართვა სჭირდება. ganbajeba.ge წინასწარ ამოწმებს შენს საქონელს ამ სიაში.
როგორ ხდება მალფუჭებადი ან სახიფათო ტვირთის განბაჟება?
- მალფუჭებადი – დაჩქარებული, პრიორიტეტული პროცედურა + ფიტოსანიტარული სერტიფიკატი
- სახიფათო (ADR) – სრული შესაბამისობა საერთაშორისო უსაფრთხოების სტანდარტებთან
რა არის არასატარიფო კონტროლი?
გარდა გადასახადებისა, ზოგი საქონელი საჭიროებს სპეციალურ ნებართვებს:
- ფიტოსანიტარული სერტიფიკატი (სასოფლო-სამეურნეო)
- ვეტერინარული სერტიფიკატი (ცხოველური წარმოშობა)
- სურსათის უვნებლობის დოკუმენტი
- ლიცენზია (მედიკამენტები, იარაღი, ფსიქოტროპული)
ganbajeba.ge წინასწარ ამოწმებს – გიცნობებ სანამ ტვირთი გამოგზავნილი იქნება.
სად ვნახო ტვირთის საბაჟო ღირებულება ინტერნეტში?
საქართველოს შემოსავლების სამსახურის კალკულატორი: rs.ge/EservicesTaxCalculator – შეიყვანე HS კოდი, ღირებულება და ქვეყანა, სისტემა ავტომატურად გიჩვენებს გადასახადს.
რატომ ganbajeba.ge?
- ს/კ 402342924 – სახელმწიფო eCustoms ლიცენზია, rs.ge-ზე გადამოწმება
- 10+ წელი საბაჟო პრაქტიკა
- 10 000+ განბაჟებული ტვირთი
- 100% დისტანციური მომსახურება
- HS კოდები, ტარიფები, სერტიფიკატები – კონსულტაცია უფასოა
- საბაჟო ბროკერი + eCustoms/ASYCUDA + ბუღალტერია – ერთ ადგილზე
ბუღალტერიის მომსახურება გააქვთ?
დიახ, ჩვენი გუნდი გაგიწევთ სრულ საბუღალტრო მომსახურებას, გვაქვს სხვადასხვა პროგრამაში მუშაობის გამოცდილება.
აუთსორს ბუღალტერია დაგაზოგინებთ თანხებს და ნერვებს:
- Oris, 1C, Fina, Balance, ERP პროგრამებში მუშაობის გამოცდილება
- 30–40%-ით ნაკლები ხარჯი შიდა კადრთან შედარებით – ყოველ თვე.
- კონსულტაცია უფასო
- დეტალური ინფორმაცია იხილეთ
ვისთვის არის Ganbajeba.ge საუკეთესო არჩევანი?
Ganbajeba.ge არის სპეციალიზებული პლატფორმა იმპორტიორებისთვის, ექსპორტიორებისთვის და ლოჯისტიკური კომპანიებისთვის. ჩვენ ვეხმარებით მათ, ვინც ეძებს საბაჟო დეკლარირების ოპტიმიზებულ გზებს საქართველოში.
ჩვენი სერვისი საუკეთესო არჩევანია შემდეგი შემთხვევებისთვის:
სწრაფი საბაჟო გაფორმება: ვამზადებთ საბაჟო დეკლარაციას (Customs Declaration) 24 საათში. ეს დაგეხმარებათ თავიდან აიცილოთ ტერმინალში დაყოვნების ზედმეტი ხარჯები.
ხარჯების ოპტიმიზაცია: ჩვენი წინასწარი დეკლარირების სერვისით სარგებლობთ შეღავათიანი ტარიფებით. ტვირთის ჩამოსვლისთანავე კი იყენებთ “მწვანე დერეფანს” (Green Channel).
რა განსხვავებაა “საბაჟო საწყობსა” და “ტერმინალს” შორის?
საბაჟო ტერმინალი და საწყობი სხვადასხვა სამართლებრივ სტატუსს ატარებს, რაც გავლენას ახდენს თქვენს ხარჯებზე.
საბაჟო ტერმინალი: ადგილი, სადაც ტვირთი გადის პირველად კონტროლს და სადაც ყოფნის ვადა შეზღუდულია.
საბაჟო საწყობი: იდეალურია მათთვის, ვისაც სურს ტვირთის შენახვა გადასახადების გადახდის გარეშე გარკვეული ვადით (მაგ. საქონლის ნაწილ-ნაწილ რეალიზაციისთვის).
ოპტიმიზაცია: ჩვენ გირჩევთ, რომელი რეჟიმი აირჩიოთ, რათა მინიმუმამდე დაიყვანოთ შენახვის ყოველდღიური ხარჯები.
რა არის ინტელექტუალური საკუთრების ობიექტების საბაჟო რეესტრი?
საქართველოში მოქმედებს მექანიზმი, რომელიც იცავს ბრენდებს ფალსიფიცირებული პროდუქციის შემოტანისგან.
კონტროლი: თუ თქვენი პროდუქცია არის ცნობილი ბრენდი (მაგ. Nike, Apple, Bosch), საბაჟო ამოწმებს, არის თუ არა ის შეტანილი სპეციალურ რეესტრში.
Ganbajeba.ge-ს დახმარება (საბაჟო ბროკერი საქართველოში): ჩვენ გეხმარებით გავარკვიოთ, გჭირდებათ თუ არა უფლების მფლობელის თანხმობა ტვირთის გასაფორმებლად. ეს გიცავთ ტვირთის დაყოვნებისგან ან მისი შესაძლო განადგურებისგან ინტელექტუალური საკუთრების დარღვევის გამო.
დაგვიკავშირდი
📞 +995 598 154833
💬 WhatsApp
✈️ Telegram
📧 info@ganbajeba.ge
საკონტაქტო ინფორმაცია
ganbajeba.ge – საბაჟო დეკლარაცია | eCustoms ლიცენზია
გიორგი ცაბაძის ქ. 2, თბილისი, საქართველო
ს/კ: 402342924
📞 +995 598 154833
📧 info@ganbajeba.ge
საბაჟო ბროკერი | საბაჟო საბროკერო მომსახურება | eCustoms და ასიკუდა | იმპორტის გადასახადები
