ტვირთის ძებნა მანქანის ნომრით
სად არის თქვენი ტვირთი ახლა? ჩაწერეთ მანქანის ნომერი და მაშინვე ნახავთ, გადმოკვეთა თუ არა ტვირთმა საქართველოს საბაჟო საზღვარი და შევიდა თუ არა საბაჟო ტერმინალზე.
ძებნა უფასოა და რეგისტრაციას არ საჭიროებს; საზღვრის კვეთისას მეილზე შეტყობინება თუ გსურთ — მიუთითეთ მეილი. ეს ერთ მანქანაზე უფასოა, ხოლო თუ რამდენიმე მანქანა გყავთ გასაკონტროლებელი, საჭიროა რეგისტრაცია.
📞 +995 598 154833 | 📲 WhatsApp | ✈️ Telegram
რას ნიშნავს პასუხები: საზღვარი და საბაჟო ტერმინალი
| ჯერ საზღვარი არ გადმოუკვეთავს | ამ ნომერზე ჯერ არაფერი ჩანს — ტვირთი გზაშია, ნომერი სხვა ფორმატითაა ჩაწერილი, ან ტვირთი უკვე გავიდა ტერმინალიდან. |
| საზღვარი გადმოკვეთა | ტვირთი საქართველოშია, საბაჟო ტერმინალზე ჯერ არ ჩანს. |
| ტერმინალზე შევიდა | ტვირთი საბაჟო ტერმინალზეა — ტერმინალის სახელი და შესვლის დრო ჩანს მაშინ, როცა ხელმისაწვდომია. |
| შემოწმება ვერ მოხერხდა | მონაცემები ამ წუთში ვერ მოვიდა — ეს ნომრის ბრალი არ არის. სცადეთ ცოტა ხანში. |
უბრალო სიტყვებით: „საზღვარი გადმოკვეთა“ ნიშნავს, რომ მანქანა უკვე გადმოვიდა და საქართველოშია; „ტერმინალზე შევიდა“ ნიშნავს, რომ ტვირთი შემოვიდა ტერმინალზე და იქ დგას.
ტერმინალიდან გასული ტვირთი ძებნაში აღარ ჩანს — ასეთ დროს პასუხი ისევ „ჯერ საზღვარი არ გადმოუკვეთავს“ იქნება.
საბაჟო ტერმინალები საქართველოში — ლილო, გეზი, ლასარე, ფოთი, ბათუმი, თბილისი, რუსთავი, ქუთაისი
როცა ტვირთი ტერმინალზე შედის, პასუხში ტერმინალის სახელი და შესვლის დრო ჩანს მაშინ, როცა ხელმისაწვდომია. სახელები, რომლებსაც ყველაზე ხშირად ეძებენ: ლილო, გეზი, ლასარე, ფოთი, ბათუმი, თბილისი, რუსთავი, ქუთაისი, ზაჰესი და აეროპორტი.
„გეზი“ და „ტერმინალი“ ერთი და იგივე არ არის. „გეზი“ გაფორმების ეკონომიკური ზონაა — ზონა, სადაც დეკლარაცია ფორმდება. ბროკერები და მძღოლები ხშირად ამბობენ: „მანქანა გეზში შევიდა“. „ტერმინალი“ კი ჩვეულებრივ კერძო სადგომია, სადაც ტვირთი დგას და იცლება. ერთ ქალაქში შეიძლება ორივე იყოს — გეზიც და ტერმინალიც. პასუხში ზუსტად იმ ადგილის სახელი ჩანს, სადაც ტვირთი შევიდა.
რომელ ტერმინალზე შევა ტვირთი, წინასწარ არ ჩანს — სახელი მხოლოდ მაშინ გამოჩნდება, როცა ტვირთი უკვე შევიდა. ძებნა არ აჩვენებს ტვირთის ადგილს რუკაზე, რიგს საზღვარზე და საბაჟო დერეფნის ფერს.
რა ღირს
- ძებნა — უფასო. ნომრის შემოწმება რეგისტრაციასაც არ საჭიროებს.
- პირველი ნომრის თვალყური — უფასო. ერთ მეილზე ერთი ნომერი.
- შემდეგი ნომრის თვალყური ფასიანი იქნება — ამ შესაძლებლობას ვამზადებთ. მოგვწერეთ, და მზა რომ იქნება, ჯერ თქვენ შეგატყობინებთ.
- განბაჟების ფასი სხვა რამაა — იხილეთ განბაჟების ფასი და ტარიფები.
ხშირად დასმული კითხვები
როგორ ხდება ტვირთის ძებნა მანქანის ნომრით?
გახსენით ტვირთის ძებნის გვერდი, ჩაწერეთ მანქანის ნომერი ლათინური ასოებით და გამოტოვების გარეშე და დააჭირეთ შემოწმების ღილაკს. მისაბმელიან მანქანაზე ორივე ნომერი დახრილი ხაზით გამოყავით — ძებნა გამწევის ნომრით ხდება.
ტვირთის ძებნა ფასიანია?
ძებნა უფასოა და რეგისტრაციას არ საჭიროებს. მეილზე შეტყობინებაც უფასოა პირველ ნომერზე — ერთ მეილზე ერთი. შემდეგი ნომრის თვალყური ფასიანი იქნება — ამ შესაძლებლობას ვამზადებთ; მოგვწერეთ, და მზა რომ იქნება, ჯერ თქვენ შეგატყობინებთ.
როგორ გავიგო, სად არის ჩემი ტვირთი?
ხელსაწყო ორ მდგომარეობას აჩვენებს: გადმოკვეთა თუ არა ტვირთმა საქართველოს საბაჟო საზღვარი და შევიდა თუ არა საბაჟო ტერმინალზე. ტერმინალზე შესვლისას ტერმინალის სახელი და შესვლის დრო ჩანს მაშინ, როცა ხელმისაწვდომია. რუკაზე წერტილს ხელსაწყო არ აჩვენებს.
ტვირთმა საზღვარი გადმოკვეთა თუ არა — როგორ შევამოწმო?
ჩაწერეთ მანქანის ნომერი ლათინური ასოებით და გამოტოვების გარეშე — პასუხს მაშინვე ნახავთ. თუ წერია „ჯერ საზღვარი არ გადმოუკვეთავს“, ტვირთი ან ჯერ გზაშია, ან ტერმინალიდან უკვე გავიდა. ძებნა უფასოა და რეგისტრაციას არ საჭიროებს.
ტვირთი საბაჟო ტერმინალზე შევიდა თუ არა — როგორ გავიგო?
იმავე ძებნაში. როცა ტვირთი ტერმინალზე შედის, პასუხში ტერმინალის სახელი და შესვლის დრო ჩანს მაშინ, როცა ხელმისაწვდომია. ტერმინალიდან გასული ტვირთი ძებნაში აღარ ჩანს.
კონტეინერის ნომრით ძებნა მუშაობს?
ამ ეტაპზე არა — ძებნა მანქანის ნომრით (სახმელეთო ტვირთი) ან ვაგონის ნომრით (სარკინიგზო ტვირთი) მუშაობს. თუ კონტეინერის ნომერს ჩაწერთ, ხელსაწყო გეტყვით, რომ გამწევის ან ვაგონის ნომერი ჩაწეროთ. ნომერი მცდარი არ არის, უბრალოდ ამ ძებნისთვის არ გამოდგება.
რკინიგზით მომავალი ტვირთის ძებნა შეიძლება?
კი. ნომრის ველის თავზე აირჩიეთ „სარკინიგზო“ და ჩაწერეთ ვაგონის ნომერი — ის მხოლოდ ციფრებისგან შედგება. სარკინიგზო ტვირთი ვაგონის ნომრით იძებნება, კონტეინერის ნომრით — არა.
ტვირთის განბაჟება გჭირდებათ?
დეკლარაციას ტვირთის ჩამოსვლამდე მოვამზადებთ და ტერმინალზე მოცდას შევამცირებთ. მოითხოვე უფასო კონსულტაცია →
საბაჟო ბროკერი | განბაჟების კალკულატორი | იმპორტის წინასწარი შეტყობინება | სასარგებლო ბმულები
რა უნდა იცოდეთ
ინფორმაცია საინფორმაციო დანიშნულებისაა და ოფიციალურ დოკუმენტს არ წარმოადგენს. მონაცემები გარე სისტემიდან მოდის და შეიძლება დაგვიანდეს, არასრული ან დროებით მიუწვდომელი იყოს. შეტყობინების მიღება გარანტირებული არ არის — შპს „დეკლარო“ პასუხს არ აგებს წერილის დაგვიანებით, მიუღებლობით ან მონაცემის უზუსტობით გამოწვეულ ზიანზე. მნიშვნელოვანი გადაწყვეტილება ოფიციალურ დადასტურებას დაეყრდნოს.